後宮

吸血新世紀 ﹣校園愛情＋小小吸血鬼電視連續劇

bong1234567 — Thu, 26 Nov 2009 11:48:34 +0800

以校園愛情片黎講，劇情都算幾單薄。以為會睇到吸血疆屍係咁咬既人，相信會直頭一手"㕷"爛埋隻碟添。基本上成兩個鐘都只係一個引子，睇完成套戲都只係交代左故事背景，就好似電視連續刻頭兩集咁。知佢仲有大把野講，但以一套電影黎講，為下一集舖得太多，反而感覺好唔完整。未去到話好難睇，但睇完好似冇睇過咁。唯一比較養睇既係一眾年情演員，睇得下咁啦。至於第二集......都係睇碟算數把啦。

愛失償/李米的猜想 --- 五粒星星的周迅

bong1234567 — Fri, 14 Aug 2009 17:11:38 +0800

首先又講下個戲名先。好好地大陸叫做"李米的猜想"咪幾好囉，為咩鬼黎到香港上正場果時又改做"愛失償"嫁！"愛xx"同"愛yy"仲有"愛zz"呢Ｄ咁既戲名仲唔夠多咩，Ｄ片商真係.....

(閱讀全文)

音樂人生 KJ --- 天才的人生

bong1234567 — Fri, 14 Aug 2009 15:48:45 +0800

十一歲既我，高達就係我人生既全部。每日都只係諗住樓下士多盒高達模型，點樣可以唔洗讀書，但測驗考試都唔洗唔合格。但電影"音樂人生 KJ"既主角 --- KJ，佢十一歲就已經思考緊完美人生呢個問題，咩野係Human Being。

(閱讀全文)

Taken --- 中年大叔勇救邊青女兒

bong1234567 — Fri, 14 Aug 2009 14:45:10 +0800

唔知點解見到"救參"呢兩個字，我會諗起辛辣國出品既高麗參。張poster亦都係比較特別，只要用photoshop執走支鎗，呢張相可以用黎做男仕時裝既廣告。男主角里安納遜，印像中佢都好似未做過呢類動作片，仲要佢一把既年紀，好懷疑佢做到Ｄ咩動作......點知......

(閱讀全文)

爛片......爛唔爛得晒先（完全個人意見，不喜勿插）

bong1234567 — Fri, 24 Jul 2009 15:09:12 +0800

真係越睇得多，就越覺得好好睇既電影睇一部就少一部。如果硬係要揾一套由頭到尾都冇冷場，又要有深度，又要娛樂性十足既電影先走去睇既話，不如係瞓多覺，發多兩個春夢仲化算。又見好多人未睇套戲己經可以彈足幾百字 - 睇完先黎噏啦。查實係咪一彈就要彈到盡，定話都可能有Ｄ野可以執得番呢？

(閱讀全文)

足足成四百幾日！

bong1234567 — Thu, 23 Jul 2009 15:13:23 +0800

閒！閒！閒！的確係無所事事～～～玩到無野好玩就好自然咁攞番Ｄ陳年舊野出黎睇下。睇下睇下，發覺自己以前係有寫/打過下字既，但已經係上年年頭既事，足足成四百幾日。既然咁得閒，又對抄股/賭波/ＴＩＰ六合彩無咩興趣，上網睇人既野又睇到悶，不如打番幾粒字，記低下自己做過D咩，咁好似對自己既生活有番Ｄ貢獻。

好，又黎發番個生菜咁好味既誓先：希望係有生之年都可以不定期咁update下個blog，久唔久睇番，就算唔好睇都起碼有得笑。

update............

bong1234567 — Fri, 18 Apr 2008 16:19:01 +0800

如題。有心，但無力（懶~~~~~）

(閱讀全文)

二零零七年的最後一篇

bong1234567 — Mon, 24 Dec 2007 15:10:54 +0800

二零零八年我會勤力Ｄ寫blog嫁啦.................

勁忙!

bong1234567 — Sun, 21 Oct 2007 12:13:43 +0800

勁忙!.........不過如果完成唔到既話,我家下忙黎做咩?

每星期最期待既係周未深夜既gundam00.

工商盃同送審,呢兩件事好似肥姐同欣而咁,分唔開(不過肥姐近來.......).

台北,除左美食,就係悶!但我而家好想去.

今年既十月又好似係我生命中消失左.........

公元二零零七年八月........萬事皆宜！

bong1234567 — Wed, 22 Aug 2007 22:39:05 +0800

我估我都應該係行緊好運，基本上我一年之內冇幾多個星期係會咁平靜既．一向本王都唔係個運氣好既人，正所謂每日返工可以”小小心心出門去，安安全全回家來”己經可以還得神落，唔好諗住係街執到錢．難得呢幾個禮拜都冇點遇到ｄ特別倒霉既事，我真係覺得就快輪到我中六合彩.......

(閱讀全文)

請問係唔係全世界都病曬?

bong1234567 — Fri, 20 Jul 2007 00:44:42 +0800

咳o左兩星期,戒凍飲戒酒戒汽水戒酸戒辣戒游水.......晚上開冷氣訓覺時,乾燥既空氣更令喉嚨有如火燒.最後連冷氣都關掉,但依然係不停咁咳.

(閱讀全文)

值得唔值得

bong1234567 — Wed, 04 Jul 2007 01:12:41 +0800

上個月頭先啱啱踩完一輪(踩:意思係一番到公司除o左急到不能再急要去廁所之外,你係完全忘我咁坐係位工作.每日達十多個小時.情況短則十天八天,現今最長記錄為兩個半月之久),玩o左一個月貨仔都冇又要再踩過!我己經唔去諗咩叫公平唔公平,我只係覺得為o左成就一個自私女人既一己私慾,搞到生靈荼灰,屍橫遍野,值得咩!

(閱讀全文)

"Sun on the Beach"

bong1234567 — Tue, 26 Jun 2007 23:05:34 +0800

諗o左好耐都諗唔到本篇既題目,最後借用某同事名句"Sun on the Beach"作題,先謝過R君.

言歸正傳,話說本王自去年九月後都好似一路同太陽冇咩緣份咁.冬天就唔使講啦,唔通得果十度八度仲叫我着住條泳褲仔係海灘道吹風咩,你估家下做戲呀!就算係大熱天時成廿幾三十度既時候,放假既日子唔係要返工就係落雨,咁叫我點樣同陽光進行"光合作用"呢!最後係前星期六(即係6月16日),我下定決心一定要去一次海灘會一會個太陽.我再唔曬一曬既話,我個身體就快可以"up"隻東菇出o黎嫁啦!

(閱讀全文)

由週記變做月記，再變成家下既雙月記

bong1234567 — Wed, 13 Jun 2007 15:58:04 +0800

因為懶既關係，已經成兩個月冇update自己個blog。今日比較有時間，希望一次過寫返之前冇寫既野。雖然有好多事都己經唔係好記得同out out地，不過都盡力而為啦。

(閱讀全文)

容易受傷的老媽子

bong1234567 — Mon, 16 Apr 2007 16:21:53 +0800

上星期六返老媽子屋企食飯。正當要開飯既時候，老頭子突然叫："快D落街叫的士送阿媽去急症室啦！"之後就見老媽子按住受傷既右手走出廚房......一輪渾亂之後，最終都將佢老人家安全送到醫院。經過醫生診治過後，雖然都算係皮外傷，不過都要聯上幾針，仲要訓兩日醫院......唉！老媽子就手痛，屋企人就心痛.........希望佢老人家早日康復啦。