首先又講下個戲名先。好好地大陸叫做"李米的猜想"咪幾好囉，為咩鬼黎到香港上正場果時又改做"愛失償"嫁！"愛xx"同"愛yy"仲有"愛zz"呢Ｄ咁既戲名仲唔夠多咩，Ｄ片商真係.....

講番套片。開頭半個鐘都幾悶，幾條線仲未拉得埋，各有各做，真係唔知佢想點。直到劫的士開始，果段真係幾有張力。之後幾條線開始結合，張涵予做的警官出場，故事又變左等二種節奏。去到尾段所有野水落石出，結局雖然唔係悲天憫人，可歌可泣，但都幾可回味。

未睇套戲時，硬係覺得周迅做的士司機.....好似都幾冇說服力。但睇下睇下，發覺佢真係可以做到，而且仲做得好好。男友失蹤四年，除左收到不定時從不同地方寄出既書信，其餘音訊全無。自己緊守兩個人既承諾，至於可唔可能實現，佢都好迷罔。精神長期繃緊，到尾段完全釋放，表現洽到好處，就算睇完套戲，佢既角色亦都有好多地方值得去思考。要數華人女星之中最有實力既，周迅一定係頭果幾名。再睇番"鄧才女"Ｄ"愛xx"，真係好難想像以港產女演員咁既既質地，係大陸女演員空群而出既大形勢之下仲有咩立足既地方。