十一歲既我，高達就係我人生既全部。每日都只係諗住樓下士多盒高達模型，點樣可以唔洗讀書，但測驗考試都唔洗唔合格。但電影"音樂人生 KJ"既主角 --- KJ，佢十一歲就已經思考緊完美人生呢個問題，咩野係Human Being。

唔洗問，佢一定係一個天才。音樂令呢個天才細細個就有咁多既感情元素去思考，令佢揾到自己既人生 --- 音樂就係 Human Being。但亦因為咁，令佢既思想開始脫離社會。六年後，佢完全唔在乎鋼琴要考到幾多級，因為佢一早就已經超越晒呢Ｄ級數。佢高傲得差不多不能溶入香港社會，但佢又真係有咁既本錢。學校似乎只係佢寄生既地方，遲早佢都會從呢個寄生地走出黎。呢位天才以後條路打算點走？電影冇交代到KJ既對未來既諗法，但我好有興趣知......