真係越睇得多，就越覺得好好睇既電影睇一部就少一部。如果硬係要揾一套由頭到尾都冇冷場，又要有深度，又要娛樂性十足既電影先走去睇既話，不如係瞓多覺，發多兩個春夢仲化算。又見好多人未睇套戲己經可以彈足幾百字 - 睇完先黎噏啦。查實係咪一彈就要彈到盡，定話都可能有Ｄ野可以執得番呢？

閒！閒！閒！的確係無所事事～～～玩到無野好玩就好自然咁攞番Ｄ陳年舊野出黎睇下。睇下睇下，發覺自己以前係有寫/打過下字既，但已經係上年年頭既事，足足成四百幾日。既然咁得閒，又對抄股/賭波/ＴＩＰ六合彩無咩興趣，上網睇人既野又睇到悶，不如打番幾粒字，記低下自己做過D咩，咁好似對自己既生活有番Ｄ貢獻。 

好，又黎發番個生菜咁好味既誓先：希望係有生之年都可以不定期咁update下個blog，久唔久睇番，就算唔好睇都起碼有得笑。