咳o左兩星期,戒凍飲戒酒戒汽水戒酸戒辣戒游水.......晚上開冷氣訓覺時,乾燥既空氣更令喉嚨有如火燒.最後連冷氣都關掉,但依然係不停咁咳.

上個月頭先啱啱踩完一輪(踩:意思係一番到公司除o左急到不能再急要去廁所之外,你係完全忘我咁坐係位工作.每日達十多個小時.情況短則十天八天,現今最長記錄為兩個半月之久),玩o左一個月貨仔都冇又要再踩過!我己經唔去諗咩叫公平唔公平,我只係覺得為o左成就一個自私女人既一己私慾,搞到生靈荼灰,屍橫遍野,值得咩!

諗o左好耐都諗唔到本篇既題目,最後借用某同事名句"Sun on the Beach"作題,先謝過R君.

言歸正傳,話說本王自去年九月後都好似一路同太陽冇咩緣份咁.冬天就唔使講啦,唔通得果十度八度仲叫我着住條泳褲仔係海灘道吹風咩,你估家下做戲呀!就算係大熱天時成廿幾三十度既時候,放假既日子唔係要返工就係落雨,咁叫我點樣同陽光進行"光合作用"呢!最後係前星期六(即係6月16日),我下定決心一定要去一次海灘會一會個太陽.我再唔曬一曬既話,我個身體就快可以"up"隻東菇出o黎嫁啦!

公司大project終於完成,都係時候放下長假.清明同復活節公眾假期+上年未放既年假+今年年假四天=連續17日既長假期!正!

兩小時十分，算係打破o左我個人既記錄........係最慢既記錄。不過以我現今既狀態黎講，能夠完成賽事都已經係一個奇積，要破最快記錄就要等下年囉。

呢次賽事遇到件幾令人激氣既事。事原係由起步開始一直跑到西隧都好順暢，不過一到西隧入口，便開始見到一眾遲起步既十公里"跑"手。起初於西隧口時，由於路面比較闊，所以並未出現問題。不過一入西隧，呢班紅牌既"跑"手好多都突然囉部相機出黎，你影下我，我又幫下你影番張相咁，好不熱鬧。其實佢地影張相留個念都可以，但係塞住條路就真係唔應該囉。我谷行條氣諗住操西隧條上斜，點知跑跑下見到前面一行六人一字排開咁慢行。好！我避！避開冇耐又見一雙情侶好鬼sweet咁係前面手拖手慢步。嘩！我避得一個避得兩個，我仲有鬼力避之後果三四五六七個咩！要行可唔可以行開少少，唔好一字形咁係路中心行呢？咁樣對應真參賽，之前好比心機去練習既跑手真係好唔公平.........

至於mhp2，依然係打得好慢，不過三星任務就快完成.....準備要打四星大龍啦！